‘Sin rivâts a le Pifanie
che dutis le’ fiestis parte vie
ma come tradizion ûl
o sin chì pal pignarûl
e ancje pe’ Befane, che ven di lontan
cu le scove, mighe cul aeroplan
e di gnot, cul scûr
le Befane ven jù pal mûr
e vâ a pîts dal jet, cence fâsi sintî
cidine cidine, lassant i fruts durmî
dal sac, e tire fûr ogni ben
par jemplâ le cjalce come c’al conven
a chei che àn fat azions bielis
i puarte bonbons e tantis caramelis
ma se cualchi marachele àn cumbinât
ancje un toc di cjarbon s’al son mertât
sarâ vecje e brute, e sot dal pês dal sac si plê
ma di nissun frut o frute no si dismentê
in particulâr di chei de Canoe
par lôr, ven fûr dal Cuâr cun tante voe
di contentâ i fruts sanzurzins
che son stâts brâfs e buins
dopo vê ai fruts pensât, no vâ vie, se Diu ûl
ma e reste culì a gjoldisi al clip dal pignarûl
e po’ sfrutant l’aiar cjalt c’al vâ tal cîl
e monte su le scove, e, e partìs a mîl
par tornâ tal scûr plui neri
e restâ, par nô, un biel misteri.
